ابڙو اڪيڊمي Abro Academy
2020-07-19
داخلا نمبر 596
عنوان ڪار ڪڻڇي
شاخ پکي
پڙهيو ويو 344
داخلا جو حوالو:
ڪار ڪڻڇي
ڪار ڪڻڇي
ڪار ڪڻڇي 28 کان 30 سينٽي ميٽر جسامت جو ٿئي ٿو. هي چمڪدار ڪاري رنگ جو پکي آهي. ڊگهو ٻه ڦاڪو پُڇ اٿس ۽ چهنب وٽ ننڍڙو اڇو ٽٻڪو. ان جي ٻولي تيز ”ٽِي .....ٽِيو“ ۽ بي رخي ”چيس ....چيس..... چِچَڪ“ آهي. عام طور اڪيلو يا جوڙيءَ ۾ ملندو آهي، پر سياري ۾ ڇڊي ولر ۾ به ٿي سگهي ٿو. اڪثر شام جو جيت جهليندو آهي. اڪثر ڪنهن مٿانھين جاءِ، ٿنڀي، تار يا وڻ تي ويهندو آهي. ڪنهن اڪيلي وڻ تي چئن کان 12 ميٽر مٿي آکيرو ٺاهي ٿو. هي ماحول : 6 جو پکي آهي.